Монгол Улсын Засаг захиргаа, нутаг дэвсгэрийн нэгж түүний удирдлагын тухай хуулийн шинэчилсэн найруулгын дагуу аймгийн иргэдийн Төлөөлөгчдийн Хурлын ээлжит VI хуралдаанаар аймгийн ИТХ-ын Зөвлөлийг байгууллаа.

     Иргэдийн Төлөөлөгчдийн хурлын зөвлөлийн ажиллах журмыг Монгол Улсын Их Хурлын 2022 оны 01 дүгээр сарын 18-ны өдрийн 07 дугаар тогтоолоор, иргэдийн  Төлөөлөгчдийн Хурлын төлөөлөгчдийн үйл ажиллагаа, тэдгээрийг чадавхжуулах арга хэмжээний зардлын нийтлэг жишиг,  зарцуулах, тайлагнах журмыг  Монгол Улсын Засгийн газрын 2021 оны 12 дугаар сарын 31-ний өдрийн  402 дугаар тогтоолоор тус тус баталсан.

     Тус хуулиар аймаг, сум, багийн чиг үүргийг салган хуульчилснаас гадна хурлын төлөөлөгчийн төлөөллийн эрхээ хэрэгжүүлэх, чадавх оролцоог нэмэгдүүлэх, хурлын ээлжит хуралдааныг улирал тутам хуралдуулах, аливаа асуудлаар зөвхөн хуралдаанаар шийдвэр гарахаар хуульчилсан билээ.

     Завхан аймгийн иргэдийн Төлөөлөгчдийн Хурлын Зөвлөлийг төлөөлөгч Ц.Улам-оргих, П.Даваадэмбэрэл, Б.Төрмөнх, Г.Цогзолмаа, Д.Мягмардорж, А.Болормаа,  Д.Бямбацогт нарын бүрэлдэхүүнтэй байгууллаа.