Тус уулзалт ярилцлагад ХЭҮК-ийн Булган аймаг дахь төлөөлөгч, ХБИ-ийн Оргил Мээж холбоо, Итгэлийн бүл, Хараагүйчүүдийн холбоо, Хөгжлийн бэрхшээлтэй хүүхэд асран хамгаалагчдын холбоо зэрэг ТББ уудын төлөөлөл болон ХБИргэд оролцож, тулгамдсан асуудлаа хэлэлцэн, цаашид хамтран хэрэгжүүлэх арга хэмжээ төслийн талаар санал бодлоо солилцлоо.

ХБХүүхдийг хүртээмжтэй орчин буй болгож ЕБС-д сургах боломжийг нэмэгдүүлэх асуудал хамгийн наад захын хэрэгцээ шаардлага болж гарлаа. Мөн ХБХүүхдийн асран хамгаалагч харгалзан дэмжигчдийг ажлын байртай болгож, тусгай хэрэгцээт хүүхдүүдийг нөхөн сэргээх төв байгуулж ажиллуулах асуудал чухал байна.

Булган аймагт хөгжлийн бэрхшээлтэй иргэдийн нийгмийн хамгааллын асуудлаар 2020 онд нийтийн сонсгол хийсэн бөгөөд сонсголд оролцогчид шийдвэр гаргах түвшний удирдлагуудад хандаж зөвлөмж, иргэдэд хандаж Уриалга хүргүүлсэн билээ.

Хөгжлийн бэрхшээлтэй хүүхдийн эцэг эх асран хамгаалагчдын холбоо ТББ нь 2020 оноос эхлэн үйл ажиллагаа явуулж байгаа бөгөөд "Итгэлийн бүл" ТББ-тай нэгдэж хамтарч ажиллахаар санал нэгдлээ.