Монгол улсын ГХУСАЗЗ, НҮБ-ийн хүүхдийн сан, Цагдаагийн ерөнхий газар, Хүний эрхийн үндэсний комисс, Дотоод хэргийн их сургуулиас хамтран “Бэлгийн хүчирхийллийн хохирогч хүүхдэд туслалцаа үзүүлэх нь” сэдэвт сургалтыг Орхон аймагт зохион байгуулж байна. Сургалтад Орхон аймаг дахь Цагдаагийн газрын Мөрдөн байцаах тасгийн дарга, мөрдөгч, хүүхдийн асуудал хариуцсан алба хаагчид оролцож байна.
Уг сургалтыг зохион байгуулснаар насанд хүрээгүй хүний эсрэг үйлдэгдэж байгаа бэлгийн хүчирхийллийн гэмт хэргийг илрүүлэх, таслан зогсоох, хэрэг хянан шийдвэрлэх ажиллагааны үед хохирогч хүүхдийг хамгаалах, хүүхэд хамгааллын хариу үйлчилгээнд холбон зуучлах ажиллагаа сайжирч, хүүхдэд үзүүлэх туслалцаа, үйлчилгээний чанар хүртээмж нэмэгдэнэ гэж үзэж байна.
