ӨВӨРХАНГАЙ АЙМАГ ОЛИМПЫН АВАРГАТАЙ БОЛЛОО
Олимпын алтан медальт Н.Эрхэмбаяр аваргаа нутагтаа ирэхэд нь өнөө өглөө угтан авч хүндэтгэл үзүүллээ
Бразилын Кашиас-ду-Сул хотод зохиогдсон Сонсголын бэрхшээлтэй иргэдийн спортын зуны XXIV олимпын наадамд Арвайхээр сумын II дугаар сургуулийн тусгай бүлгийн сурагч Н.Эрхэмбаяр 65 кг-ын жинд барилдан алтан медаль хүртэж, Монгол Улсынхаа алтан соёмбот далбааг мандууллаа. Нутаг орныхоо нэрийг үргэлж өндөрт өргөж явдаг тамирчин хүүдээ болон багш Х.Пүрэвсүрэн, дасгалжуулагч Э.Баттүшиг нартаа баяр хүргэж, талархал илэрхийлье. Цаашдынх нь спортын замнал, ажил үйлст нь өндөр амжилтыг хүсье.
