✅ Байгууллагуудын өвөлжилтийн бэлтгэл ажлын явцтай танилцаж дууслаа.

✅ Дүүргийн ИТХ-ын даргын А/45 дугаар захирамжаар байгуулагдсан дүүргийн нутаг дэвсгэрт үйл ажиллагаа явуулж буй аж ахуй нэгж, байгууллагуудын өвөлжилтийн бэлтгэл ажлын явцтай танилцах ажлын хэсэг 2022 оны 09-р сарын 05-наас 06-ны хооронд ажиллаж байна. 2022 оны 9-р сарын 06-ны өдөр ажлын хэсгийн бүрэлдэхүүн холбогдох албан хаагчдын хамтаар ажлын хэсгийн удирдамжид заагдсан чиглэлийн хүрээнд үлдсэн 4 байгууллагын өвөлжилтийн бэлтгэл ажлын явцтай танилцаж дууслаа.
Өвөлжилтийн бэлтгэл ажлын явц БЗӨБЦТС ТӨХК-ний Багануур салбар 94,6 хувьтай, Эрүүл мэндийн төв 64 хувьтай, Багануур гэрэлтүүлэг 75 хувьтай, Тээвэр зохицуулалтын алба 75 хувьтай байна. Хил гаалийн болон эдийн засгийн тогтворгүй байдлаас үүдэн тендерийн ажлууд удаашралтай байгаа нь байгууллагуудад нийтлэг тулгамдсан асуудлуудыг үүсгэж байна.

Ажлын хэсгийн зүгээс үйл ажиллагааны тайлан болон өвөлжилтийн бэлэн байдлыг хангах тал дээр тулгамдаж буй асуудлуудыг 2022 оны 09-р сарын 15-ны дотор ИТХ-ын Зөвлөлийн хуралдаанд танилцуулахаар ажиллаж байна.