Аймгийн хэмжээнд 2020 онд яаралтай түргэн тусламжийн үйлчилгээний чанарыг сайжруулах зорилгоор Алтанбулаг, Баян-Өнжүүл, Лүн, Бүрэн, Өндөрширээт, Сүмбэр сумдад түргэн тусламжийн автомашиныг шийдвэрлэснээр 27 сумын ЭМТ-ийн автомашины парк шинэчлэлтийн ажлыг бүрэн хийж дуусгасан билээ.

Өнөөдөр УИХ-ын Ж.Батжаргал аймгийн нэгдсэн эмнэлэгт нэн шаардлагатай байсан алсын дуудлагын иж бүрэн тоноглогдсон түргэн тусламжийн автомашиныг хүлээлгэн өглөө. Уг автомашин (Toyota Land cruiser 78) нь туулах чадвар, хурд хүч сайтай, дотроо зүрхний дефибриллятор, хяналтын монитор, соруулгын аппарат (отсос), хүчилтөрөгчийн баллон, тариурын болон дуслын шахуурга зэрэг нэн чухал эмнэлгийн хэрэгслүүдээр бүрэн тоноглогдсноороо хөдөө иргэдэд эмнэлэгийн тусламж үйлчилгээг цаг алдалгүй үзүүлэх боломжтой юм.