Нутгийн өөрөө удирдах байгууллага үүсч хөгжсөний 30-н жилийн ойг тохиолдуулан Тэшиг сумын ИТХ-ын даргаар анх ажиллаж байсан ахмад дарга нарт хүндэтгэл үзүүлэх арга хэмжээг сумын иргэдийн Төлөөлөгчдийн Хурал, Орхон аймаг дахь Тэшиг сумын нутгийн зөвлөлийн дарга Б.Цогтгэрэл нар хамтран Орхон аймагт зохион байгууллаа. 

            Арга хэмжээнд сумын ИТХ-ын дарга Б.Ундрахсайхан, нутгийн зөвлөлийн дарга Б.Цогтгэрэл, ИТХ-ын анхны дарга, ахмад багш Ж.Шагдарсүрэн, Монгол Улсын гавъяат механикжуулагч Дамдинсүрэнгийн Цэен-Ойдов, анхны орон тооны дарга, ахмад настан Дамдинсүрэнгийн Төмөр нар оролцлоо. 

             Уулзалтын үед нутгийн өөрөө удирдах байгууллага үүсч хөгжсөн түүх, туулж ирсэн замналын тухай дурсамж яриа өрнүүлж сумын ирээдүйн хөгжлийн талаар санал солилцлоо.

ТЭШИГ СУМЫН ИТХ-ЫН АЖЛЫН АЛБА