Өнөөдөр “Энгийн хог хаягдлыг цэвэрлэх, ангилах, цуглуулах, тээвэрлэх, дахин боловсруулах, сэргээн ашиглах, устгах, булшлах журам”-ын төсөлд Дархан сумын 1-16, Малчин Өргөө багуудын ИНХ-ын дарга, Засаг дарга нарын саналыг авах хэлэлцүүлэг боллоо.

Уг журмын төслийг Захиргааны ерөнхий хуулийн 60,61,62 дугаар зүйлд заасан захиргааны хэм хэмжээнд тавигдах шаардлагын дагуу боловсруулсан. Үүнд хог хаягдлын эх үүсвэр дээр багасгах, ангилан ялгах, ангиллын дагуу хог хаягдлыг цуглуулж, тээвэрлэх, нийтийн эдэлбэр газрыг цэвэрлэх, дахин боловсруулах, сэргээн ашиглах, устгах үйл ажиллагааг эрхлэхэд үүсэх харилцааг зохицуулах зэрэг асуудлыг тусгажээ. Багуудын ИНХ-ын дарга, Засаг дарга нарын хэлэлцүүлгээр ирсэн саналыг нэгтгэж, уг журмын төсөлд тусгах юм.