Аймгийн Иргэдийн Төлөөлөгчдийн хурлын жолооч Х.Танатар байгууллагын шинэ жилээр зохион байгуулагдсан дуудлага худалдаанд оролцож, дуудлага худалдааны ялагч болсон. Тэрээр дуудлага худалдаанд ялсан мөнгөө нийгмийн хариуцлагын хүрээнд Хөгжлийн бэрхшээлтэй хүүхдийн Баян-Өлгий аймаг дахь салбар Хүүхэд хөгжлийн төвд хандивлахаа илэрхийлсэн юм.
Х.Танатар амласан ёсоор Хөгжлийн бэрхшээлтэй хүүхдийн Баян-Өлгий аймаг дахь салбар Хүүхэд хөгжлийн төвд 500 мянган төгрөг хандивлалаа.
Хөгжлийн бэрхшээлтэй хүүхдүүдийг хайрлаж, дэмжлэг туслалаа үзүүлсэн Х.Танатард уншигчдын нэрийн өмнөөс чин сэтгэлийн талархал илэрхийлж, цаашдын ажил, амьдралд нь сайн сайхныг хүсье.
