Гурван багийн ИНХ-ын үеэр сар шинийн баярт зориулсан хүчит 32 бөх, өсвөрийн 16 бөхийн барилдаан, 20 дугаар Цэцэрлэгийн хамт олон “Уншдаг хүүхэд хөгждөг” аяны хүрээнд хүүхдийн ярих чадварыг сайжруулах, ном унших дуртай болгох зорилгоор эцэг эхчүүдтэй хамтран хийсэн номын үзэсгэлэн, иргэдийн гар урлалын бүтээлийн үзэсгэлэн худалдаа болж, ХААН банкны үйлчилгээ, сумын Соёлын төвийн хамт олон Гурвантэс сумын Соёлын төв, Ноён сумын Соёлын төвийн уран бүтээлчидтэй хамтран “Түмэндээ өргөх аялгуу” уран бүтээлийн тоглолтыг зохион байгуулав.
- Юнитель компани Сайншанд багийн Эрээний нуруу, Бүйлсэн багийн төвд тавигдсан сүлжээний антеннуудын нээлтийг хийж багийн иргэдийн нийтийн хуралд цугласан иргэдийн дунд дугаарын урамшуулалт худалдааг зохион байгуулж азтан шалгаруулав.
