Аймгийн ИТХ-ын Ажлын албаны Зохион байгуулалт, олон нийттэй харилцах хэлтсээс Дархан, Орхон, Хонгор, Шарын гол сумын ИТХ-ын ажлын албаны албан хаагчдад шаардлагатай хууль эрх зүй мэдээлэл, бичиг хэргийн стандарт, хурлын үйл ажиллагааг олон нийтэд сурталчлах зэрэг ажлыг сайжруулах чиглэлээр өнөөдөр /2023.05.18/ сургалт зохион байгууллаа.

Аймгийн ИТХ-ын нарийн бичгийн дарга Ч.Энхбат сургалтыг нээж, энэхүү сургалт нь сумдын ИТХ-ын ажлын уялдаа холбоог сайжруулж мэдээ, мэдээлэл солилцох замаар хамтын ажиллагааг бэхжүүлэх зорилготойг онцолсон юм.

Сургалтад Аймгийн ИТХ-ын ажлын албаны ЗБОНХХ-ийн дарга Н.Буманцэцэг АТГ-аас зохион байгуулж буй аяны талаарх мэдээлэл танилцуулж ахлах мэргэжилтэн Т.Дэлгэрсуурь Байгууллагын архивын үйл ажиллагааны нийтлэг журам” (шинэчлэгдсэн журам)-ын танилцуулга, аймгийн ИТХ-ын хэвлэл мэдээлэл хариуцсан мэргэжилтэн Б.Болорцэцэг KHURAL.MN цахим платформыг хөгжүүлэх тухай, шилдэг хөгжүүлэлттэй сумын ИТХ-ын админыг шалгаруулах тухай, KHURAL.MN сайтын цэсийг өөрчлөх, мэдээ мэдээлэл болон тогтоол шийдвэрийг оруулах тухай мэдээллүүдийг өглөө.