Гамшгаас хамгаалах иж бүрэн сургууль нь тухайн бүс нутагт тохиолддог болон тохиолдож болзошгүй аюулт үзэгдэл, осол, гамшгийн үед тухайн аймгийн нутаг дэвсгэрийг орон нутаг өөрийн хүчээр авран хамгаалах, сэргээн босгох боломж байгаа эсэхэд үнэлэлт дүгнэлт өгөх, гамшгаас хамгаалах төлөвлөгөөг турших, бодит нөхцөл байдал үүссэн нөхцөлд хариу арга хэмжээ авах чадвар эзэмшүүлэх, хүч хэрэгслийн бэлтгэл, бэлэн байдлыг дээшлүүлэх, ард иргэдийг гамшгаас хамгаалах үйл ажиллагаанд татан оролцуулахад зорилгоор зохион байгуулагддаг.
Өндөржүүлсэн бэлэн байдлын зэрэгт шилжүүлсэнтэй холбогдуулан дээрх хугацаанд Гамшгаас хамгаалах иж бүрэн сургуульд нөлөөлөхгүйгээр олон нийтийг хамарсан уралдаан тэмцээн, урлагийн тоглолт, хурал цуглаан, бүх төрлийн соёл, спортын арга хэмжээг аймгийн Онцгой комиссын шийдвэрээр зохион байгуулна.
