2023 оны 06-р сарын 28-ний өдөр 4-р хороонд зохион байгууллаа. Өдөрлөгийг нээж ИТХ-ын дарга Т.Отгонболд үг хэлж, ИТХ-ын төлөөлөгчид, Засаг даргын орлогч Б.Балжинням, Засаг даргын Тамгын газрын дарга П.Баттүшиг нар оролцож малчид, мал бүхий 115 гаруй иргэд “Малчдын өдөрлөг”-т хүрэлцэн ирлээ.
Малчдын өдөрлөгт дүүргийн Засаг даргын орлогч Б.Балжинням Малын хөлийн тоо толгой, албан татварын орлого түүний хэрэгжилтийн талаар мэдээ мэдээлэл өгсөн бол Дүүргийн Нийгмийн даатгалын хэлтсийн дарга Р.Өнөржаргал малчид, мал бүхий иргэддээ Нийгмийн даатгал, эрүүл мэндийн даатгалын талаар мэдээлэл хүргэлээ.
Уг өдөрлөгийн хүрээнд малчид, мал бүхий иргэдийн санал хүсэлтийг хүлээн авч сонсох, төрийн нэг цэгийн үйлчилгээг үзүүлэх зорилгоор Дүүргийн Нийгмийн даатгалын хэлтэс, Хөдөлмөр халамжийн үйлчилгээний хэлтэс, Улсын бүртгэлийн хэлтэс, Цагдаагийн хэлтэс, Онцгой байдлын хэлтэс, Газар зохион байгуулалтын алба, Эрүүл мэндийн төв, Өрхийн эрүүл мэндийн төв, Мал эмнэлэг, Улаан загалмайн хороо, Дэлхийн зөн монгол Олон улсын байгууллагын Багануур ОНХ, Соёлын ордон, Үсчин, Гоо сайхан, ААНБ-ууд хамтран ажиллаа. Дээрх төрийн болон хувийн хэвшлийн байгууллагуудаар давхардсан тоогоор 75 малчид, мал бүхий иргэд мэдээ мэдээлэл авлаа. Улаан загалмайн хорооноос малчид, мал бүхий 140 айл өрхөд ахуйн барааны хандив өглөө.
-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Н.Рагчаа
-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Ц.Энхтулга
-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Г.Энхболд
-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Ц.Батболд
-Иргэдийн төлөөлөгчдийн хурлын “Хүндэт Өргөмжлөл”-өөр 4-р хорооны малчин Ц.Цэцэгдэмбэрэл нарт тус тус шагнал гардууллаа.
-Нийгмийн хариуцлагын хүрээнд идэвх санаачилгатай оролцсон Wella salon үсчин Г.Ариунбаяр, У.Туяабаяр нарт ИТХ-аас Талархал гардууллаа.
Өдөрлөгийн үеэр насанд хүрэгчдийн 24 бөх, өсвөрийн 3 насны ангиллаар 45 хүүхэд хүчит бөхийн барилдаанд зодоглож, Их нас, Соёолон нас, Даага морьд уралдаж, Сурын харваа, Шагайн харваан тэмцээн боллоо.
