АНУ-ын Засгийн газрын 100% тэтгэлэгтэй ахлах ангийн сурагчдад зориулсан “FLEX-Ирээдүйн Манлайлагчдын Солилцооны Хөтөлбөр”-т хамрагдсан хүүхдүүдийн туршлагаас болон хөтөлбөрийн дэлгэрэнгүй мэдээллийг энэхүү бичлэгээс авна уу.

FLEX хөтөлбөрийн 2024-2025 оны шалгаруулалтад оролцох хүсэлтэй сурагчдад тавигдах шаардлага:

-2007 оны 1 сараас 1-нээс 2009 оны 7 сарын 15-ны хооронд төрсөн байх

-Оролцох үедээ 9, 10, 11 дүгээр ангийн сурагч байх

-Англи хэлний дундаас дээш түвшний мэдлэгтэй байх

-Сурлагын үнэлгээний дундаж нь 80% түүнээс дээш байх

-Монгол улсын иргэн, гадаад паспорт авах эрхтэй байх

-Америкт зорчих визний шалгуур хангасан байх

-АНУ-д сүүлийн 5 жилийн туршид 3 сараас дээш хугацаагаар амьдарч байгаагүй

Дээрх шаардлагуудыг хангасан бол дараах линкээр орж бүртгэл үүсгэж, хөтөлбөрийн өргөдлийн маягтыг бөглөнө. https://ais.americancouncils.org/flex

Хөтөлбөрийн 1 шатны өргөдлийг 2023 оны 9 дүгээр сарын 19 хүртэл хүлээн авна.

"2024-2025 оны шалгаруулалт 3 шаттай"

Хөтөлбөрийн шалгалтын үе шатуудын талаарх мэдээлэл:

1-р шат : Сонгон шалгаруулалтын 1-р шат 2023 оны 8 дугаар сараас 9 дүрээр сарын 19 хооронд явагдах бөгөөд энэ шат нь үндсэн шаардлагуудыг хангасан сурагч бүрд нээлттэй. 1-р шатанд сурагчид цахим өргөдлөө бөглөж, эсээ бичиж асуултад хариулах бөгөөд бүртгүүлснээс хойш 10 хоногийн дотор бөглөж явуулах шаардлагатай.

Жишээ нь: 8 сарын 19-нд бүртгэлээ баталгаажуулж өргөдлөө эхлүүлсэн бол өргөдлөө явуулах эцсийн хугацаа 8 сарын 29.

2-р шат: 1-р шатанд өргөдлөө бүрэн гүйцэд бөглөж явуулсан бүх сурагч 2-р шатанд уригдана. 2-р шатанд оролцох урилгыг өргөдлөө явуулсан хугацаанаас хойш 24 цагийн дотор мэйлээр хүлээн авч оролцогч илгээсэн холбоосоор орж богино англи хэлний тестийг бөглөнө.

3-р шат: 3-р шатны шалгаруулалт нь бүрэн өргөдөл, эсээ, ярилцлага, англи хэлний цогц шалгалтаас бүрдэнэ. 3-р шатанд тэнцсэн сурагчид руу Америкийн Зөвлөлийн төв оффисоос мэйлээр холбогдож дэлгэрэнгүй мэдээллийг хүргэх болно.

ФЛЕКС ХӨТӨЛБӨРИЙН ТЭТГЭЛЭГТ ЮУ БАГТДАГ ВЭ?

• Хоёр талын орон нутгийн болон олон улсын тийз ( АНУ руу ирж буцах зардал)

• Сар бүр сурагчдын хувийн хэрэгцээ болон үйл ажиллагаанд оролцох зардалд хэрэглэх стипенд

• Нэг жилийн хугацаанд сурагчийн байрлах тусгай, сонгогдсон Америк / Хост айл

• АНУ-ын ерөнхий боловсролын сургуулийн элсэлт

• Явахын өмнөх болон ирсний дараах чиг баримжаа олгох сургалт зэрэг үйл ажиллагаанууд

• АНУ-ын оршин суугаа газар нутагт нь зохиогдож буй хөтөлбөр, үйл ажиллагаанууд

• Эрүүл мэндийн даатгал /Шүдний эмчилгээ болон Архаг өвчний эмчилгээнээс бусад/ зэргийг хөтөлбөрт шалгарсан сурагчдадаа хангадаг

Та бүхэн хөтөлбөрийн талаарх дэлгэрэнгүй мэдээллийг FLEX Mongolia пэйж хуудсаар болон дараах сувгуудаас аваарай.

Мөн найзуудыгаа mention хийж дуулгаарай!

Холбоо барих:

Утасны дугаар: (976) 93130647

Мэйл хаяг: flex.mn@americancouncils.org

Инстаграм: http://www.instagram.com/flexmongolia

Эх сурвалж: FLEX Mongolia