Ерөнхий сайд Л.Оюун-Эрдэнэ багш мэргэжлээр сурах оюутнууд болон одоо ажиллаж байгаа магистрын зэргээр суралцах бүх суралцагчидын төлбөрийг төр 100 хувь бүрэн даах болсон шийдвэрийг зарлав

Энэ бол сүүлийн хоёр жилийн турш бидний боловсруулж батлуулсан боловсролын салбарын эрх зүйн орчны реформыг бататгасан түүхэн шийдвэр юм.

Түүнчлэн:

Багш боловсролоор сурах хүүхдийн ЭЕШ-ын босго оноо өндөр болно.

Цалин хөлсний нэмэгдлээр багш нарын цалин дунджаар 60% нэмэгдсэн. Үүн дээр бусад нэмэгдлүүд нэмэгдэнэ.

Багш нарыг орон сууцанд хамрагдахад дэмжлэг үзүүлэх хуулийн заалт шинээр орж батлагдсан.

Орон нутагт очиж ажиллавал эхний 5 жилд 6 сарын үндсэн цалинтай тэнцэх хэмжээний мөнгөн урамшуулал олгоно, энэ урамшуулал цаашид 3 жил тутамд олгогдоно.

Боловсролын салбарт 15-аам дээш ажиллаж байгаа хүний 1 хүүхдийг тэргүүлэх чиглэлийн мэргэжлээр улсын сургуульд үнэ төлбөргүй сургана.

Ажлын хэрэгцээнд нь зориулж бүх багш нарыг Зөөврийн компьютерээр хангана.

Сургалтанд шаардлагатай зардлыг төсөвлөж өгдөг болох хуулийн заалт батлагдсан.

Мэдээж улсын сургуулийн хүүхдүүд бага ангиасаа англи хэл үзэж, дэлхийн иргэн болж бэлтгэгдэх боломж бүрдсэн.

Ийнхүү боловсролын чанарын ялгааг арилгахад бүхэлдээ чиглэсэн Монгол Улсын боловсролын цогц эрх зүйн орчин бүрдлээ

Одоо бүгдээрээ хамтдаа хичээж, сайтар хэрэгжүүлэх л үлдлээ.

БОЛОВСРОЛ- ХӨГЖЛИЙН ТҮЛХҮҮР