Өнөөдөр /2023.09.18/ аймгийн Иргэдийн Төлөөлөгчдийн хурлын XIII хуралдаан аймгийн ИТХ-ын 41 төлөөлөгч хүрэлцэн ирэхээс танхимд 25 төлөөлөгч, цахимаар 3 төлөөлөгч оролцож 67,5 хувийн ирцтэйгээр хуралдлаа.
Аймгийн ИТХ-ын XIII хуралдаанаар хэлэлцэх асуудлын дараалал ёсоор:
1. Аймгийн 2024 оны “ Хөгжлийн төлөвлөгөө” батлах тухай
2. Аймгийн 2023 оны төсвийн зарим төсөл, хөтөлбөр, арга хэмжээний нэршил өөрчлөх тухай
3. Орон нутгийн өмчийг түрээсийн гэрээгээр эзэмшүүлэх зөвшөөрөл олгох тухай
4. Зарим орон нутгийн өмчийн аж ахуйн тооцоот үйлдвэрийн газрын төлөөлөн удирдах зөвлөлийг шинэчлэн батлах тухай
5. Газар зохион байгуулалтын 2023 оны төлөвлөгөөнд нэмэлт өөрчлөлт оруулах тухай
6. Багийн төвүүдийн нэрсийг батлуулах санал уламжлах тухай
7. Монгол Улсын иргэнд 2024 онд өмчлүүлэх газрын байршил, хэмжээ зориулалтын тухай
8. Шашны байгууллагуудын үйл ажиллагаа явуулах зөвшөөрөл олгох, сунгах тухай
9. Нэрэмжит болгох тухай
10. Зарим газар нутгийг улсын тусгай хэрэгцээнд авах санал дэмжих тухай гэсэн 10 илтгэлийг хэлэлцэж, Төлөөлөгчдийн олонхийн саналаар баталлаа.
