🇲🇳Дүүргийн ИТХ-ын төлөөлөгчид тойрогтоо ажиллах нөхцөлийг бүрдүүлэх, иргэд төлөөлөгчдийн хамтын ажиллагааг сайжруулах, иргэдийн санал хүсэлтийг хүлээн авах зорилгоор 09 сарын 26-ны өдрөөс 10 сарын 03-ны өдрүүдэд 5 хороодын 428 иргэдтэй уулзалт зохион байгууллаа.

✅Уулзалтад нийт төрийн 13 байгууллагын удирдлага, мэргэжилтнүүд оролцож иргэдийн асуултад хариулт өгсөн юм.

✅Нийт 5 хорооны иргэдээс 132 санал хүсэлтүүд гарлаа. Үүнд:
- Өргөн хэрэглээний барааны үнэ дээр хяналт тавих
- Хүүхдийн тоглоомын талбай хүлээлгэж өгөхөөс өмнө эвдэрч байгаа тул хяналт тавих
- Гудамж хооронд хог ихтэй байна
- Гудамжнуудын дундах замыг тэгшлэх гэж шороо асгадгаас болж шавар шавхайтай болж явган хүмүүс явахад хүндрэлтэй байгаа тул хайрга асгаж тэгшилмээр байна
- Худгийн ус зэвтэй гарч байна
- Нийтийн тээвэр цагийн хуваарийн дагуу явдаггүй
- Тогос уул хэсэгт худаг шинээр барих
-Секц,дугуйлангууд оройн цагаар хичээллэж байна. Цагийн хуваариуд дээр анхаарал хандуулах
-Золбин нохой, муурын асуудлыг шийдэж өгөх зэрэг санал хүсэлтүүд гарч, холбогдох БААН-ийн удирдлага, мэргэжилтнүүд иргэдийн асуултад хариулт өгч, санал хүсэлтийг судлан иргэдэд тодорхой хариуг эргэн мэдэгдэхээ илэрхийлсэн юм.

✅Мөн Гэмт хэрэг зөрчлөөс урьдчилан сэргийлэх ажлын хүрээнд иргэдийн аюулгүй амьдрах орчин нөхцөлийг сайжруулах, гэмт хэрэг зөрчлөөс урьдчилан сэргийлэх ажилд идэвх санаачилгатай ажилласан 5 хорооны 11 иргэдэд дүүргийн ИТХ-ын Талархал мөнгөн шагналаар урамшууллаа.