Чингэлтэй дүүргийн төлөөлөгчид Япон улсын Шизүока мужийн Яйзү хотын дарга нарын урилгаар тус хотод айлчиллаа. Энэ үеэрээ Яйзү хотын дарга Накано Хиромичи, Иргэдийн төлөөлөгчдийн хурлын дарга Ишида Эрико нар энэ сарын 10-ний өдөр Яйзү хотын захиргааны төв байранд Чингэлтэй дүүргийн Иргэдийн төлөөлөгчдийн хурлын дарга Б.Мөнхбат, Засаг дарга Н.Батсүмбэрэл болон бусад албаны хүмүүсийг хүлээн авч уулзав.
Уулзалтаар хоёр талын түншлэлийн харилцаа, хамтын ажиллагааг худалдаа, эдийн засаг, соёл, боловсрол зэрэг олон салбарт өргөжүүлэн бататгахаар санал солилцож, хамтран ажиллахаар тохиролцлоо.
