2023-2024 оны өвөлжилт, хаваржилтын нөхцөл байдал хүндэрч байгалийн гамшигт үзэгдэл болсноос Баруун-Урт сумын малчдын амьжиргааны гол эх үүсвэр болох мал аж ахуйд их хэмжээний хохирол учирсан. Сумын хэмжээнд 2024 оны 02-р сарын 21-ний өдрийн байдлаар нийт 130662 толгой мал хорогдсон байна.

Малын тоо толгойн албан татварын тухай хуулийн 6 дугаар зүйлийн 6.3 дахь заалтын дагуу “Малчны амьжиргааг дэмжих зорилгоор малчны өмчилж байгаа малын тоо толгойноос хамааран ногдох албан татварын хэмжээг 0 төгрөг байхаар тогтоож болно” гэсэн заалтыг үндэслэн энэхүү ээлжит хуралдаанаар тус сумын малчин, мал бүхий иргэдийн малын тоо толгойд ноогдох албан татварын хэмжээг 2024 оныг дуустал адуунд 0, үхэрт 0, ямаанд 0, хонинд 0, тэмээнд 0 төгрөг байхаар тогтоолоо.