✅Дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, Прокурорын газар, Цагдаагийн хэлтэстэй хамтран Монгол Улсын Эрүүгийн хуулийн шинэчилсэн найруулга, Зөрчлийн тухай хуулийн талаар 4-р хорооны иргэдэд хууль зүйн мэдлэг олгох, гэмт хэргээс урьдчилан сэргийлэх зорилгоор 2024 оны 04-р сарын 02-ны өдөр сургалтыг зохион байгуулж ИТХ-ын нарийн бичгийн дарга бөгөөд ажлын албаны дарга Г.Гансэлэм нээж үг хэллээ.

✅Уг сургалтад 4 хорооны иргэд оролцож "МУ-ын Эрүүгийн хуулийн шинэчилсэн найруулга, Зөрчлийн тухай хууль"-ийн талаар дүүргийн Прокурорын газрын хяналтын прокурор, хууль цаазын дэд зөвлөх С.Баяр-Эрдэнэ, "Гэр бүл хүүхдийн хүчирхийллийн талаар авагдаж буй арга хэмжээ"-ний талаар дүүргийн Цагдаагийн хэлтсийн Гэр бүлийн хүчирхийллээс урьдчилан сэргийлэх мэргэжилтэн цагдаагийн Ахлах Дэслэгч Ц.Цолмонгэрэл, "Замын хөдөлгөөний аюулгүй байдлын тухай хууль"-ийн талаар Замын цагдаагийн тасгийн зохицуулагч Цагдаагийн Дэслэгч Б.Цагааннохой нар тус тус мэдээлэл хийсэн юм.

✅4-р хорооны иргэдээс мэдээлэл хийсэн албан хаагчдаас биечлэн уулзаж тулгамдаж буй асуудлууд дээрээ хуулийн талаарх зөвлөгөө, мэдээ мэдээллийг авлаа.