Дархан сумын ИТХ-ын 8 дахь удаагийн сонгуулийн ээлжит 19 дүгээр хуралдаанаар Дархан хот тохижилт үйлчилгээний газрын хариуцан гүйцэтгэдэг үйл ажиллагааг 2 чиглэлээр хувааж, шинээр байгуулахаар шийдвэрлэлээ.
Тодруулбал Дархан хот тохижилт үйлчилгээний газрыг салгаж “Дархан хог тээвэр”, ОНӨААТҮГ болгон шинээр байгуулж, дүрмийг баталлаа.
“Дархан хог тээвэр” ОНӨААТҮГ нь:
- Нийтийн эзэмшлийн гудамж талбайд том оврын хогийн бүнкер болон дахивар хог хаягдлын сав байршуулах, тухайн цэгт цугларсан хогийг ачиж тээвэрлэх; устгах; булшлах
- Айл өрх, албан байгууллага, аж ахуйн нэгжүүд болон бусад харилцагчдын хог хаягдлыг тогтоосон хугацаанд ачиж тээвэрлэх;
- Хог хаягдлын төвлөрсөн цэгийн үйл ажиллагааг хариуцах;
- Хариуцсан техник хэрэгсэл, машин механизм, тоног төхөөрөмжийн засвар үйлчилгээг хийх зэрэг асуудлыг хариуцах юм.
