Тус аймгийн цагдаагийн газар, Баруун-Урт сумын Гэмт хэргээс урьдчилан сэргийлэх ажлыг зохицуулах зөвлөл-өөс бага насны хүүхдийг зам тээврийн осол хэргээс урьдчилан сэргийлэх, тэдэнд "Замын хөдөлгөөний дүрэм"-ийн мэдлэг олгох зорилгоор цэцэрлэгийн насны хүүхэд багачууд, багш, сурган хүмүүжүүлэгч, эцэг, эхчүүдийн дунд жил бүр уламжлал болгон зохион байгуулдаг “Замын хөдөлгөөний цагаан толгой- 2024” тэмцээн өнөөдөр буюу энэ сарын 26-ны өдөр Баруун-Урт сумын хэмжээнд амжилттай зохион байгуулагдлаа.
Тэмцээнд Баруун-Урт сумын 10 цэцэрлэгийн 11 баг тамирчид 5 төрлөөр өрсөлдөж, ур чадвар, авхаалж самбаагаа сорин оролцсоноос
“ТЭРГҮҮН” байранд Баруун-Урт сумын 7 дугаар цэцэрлэг шалгарч, "Цом", Өргөмжлөл, Алтан медаль, мөнгөн шагналаар,
“ДЭД” байранд Баруун-Урт сумын 2 дугаар цэцэрлэг шалгарч, Мөнгөн медаль, Өргөмжлөл, мөнгөн шагналаар, “ГУТГААР” байранд Баруун-Урт сумын 9 дүгээр цэцэрлэг шалгарч, Хүрэл медаль, Өргөмжлөл, мөнгөн шагналаар,
“ТУСГАЙ” байранд Баруун-Урт сумын 3 дугаар цэцэрлэг шалгарч, Өргөмжлөл, үнэ бүхий зүйлээр тус тус шагнагдаж, амжилттай оролцлоо.
