Гэмт хэргээс урьдчилан сэргийлэх ажлыг зохицуулах салбар зөвлөл, аймгийн Цагдаагийн газар болон Прокурорын газар хамтран аймгийн хуулийн байгууллагуудын нэгдсэн сургалт, зөвлөгөөнийг 03 сарын 28-ны өдөр зохион байгууллаа. Энэхүү нэгдсэн сургалт, зөвлөгөөнийг анх удаа аймгийн хууль хэрэгжүүлэгч 30 байгууллагын 100 гаруй алба хаагчийг оролцуулан зохион байгуулсан бөгөөд аймгийн ИТХ-ын дарга бөгөөд ГХУСАЗСЗ-ийн дарга Б.Батжаргал хэлэхдээ малын хулгайн гэмт хэрэг болон бусад гэмт хэргээс урьдчилан сэргийлэх талаар доривтой ажлыг санаачилан бодлогын түвшинд орон нутагтаа уламжлаад явбал хамтран ажиллаж, шийдвэрлэхэд бэлэн гэдгээ илэрхийлэв.

Зөвлөгөөнөөр хууль сахиулах байгууллагуудын хамтын ажиллагаа, ажлын уялдаа холбоог сайжруулах,Эрүүгийн болон зөрчил шалган шийдвэрлэх үйл ажиллагааны үед гарч буй алдаа дутагдал, хүндрэл бэрхшээл, тулгамдаж буй асуудлуудыг хэрхэн шийдвэрлэх талаар санал солилцлоо.