Өвөрхангай аймгийн Гэмт хэргээс урьдчилан сэргийлэх ажлыг зохицуулах салбар зөвлөлөөс “Авлигын эсрэг хууль тогтоомжийг сурталчлах өдөрлөг”-ийг аймгийн Засаг даргын Тамгын газартай хамтран зохион байгууллаа. Өдөрлөгт авлигын эсрэг хуулийн дагуу олон нийтийг соён гэгээрүүлэх, авлигаас урьдчилан сэргийлэх үйл ажиллагааг зохион байгуулах нийтлэг үүрэг хүлээсэн төрийн байгууллагууд оролцож иргэдэд хууль, эрх зүйн зөвлөгөө өгч, санал хүсэлтийг хүлээн авав.

Мөн өдөрлөгт оролцогч иргэд, төрийн албан хаагчид хууль, эрх зүй, танин мэдэхүйн АХА тэмцээнд оролцож мэдлэг, мэдээллийн хүрээгээ тэллээ.