ИТХ-ЫН БАЙГАЛЬ ОРЧИН, ХӨДӨӨГИЙН ХӨГЖЛИЙН ХОРОО ХУРАЛДЛАА

ИТХ-ын Байгаль орчин, хөдөөгийн хөгжлийн хороо 2024 онд хэрэгжүүлэх ажлын төлөвлөгөөний дагуу (2024.07.04)-ын өдөр 50 хувийн ирцтэй хуралдлаа. Тус хурлаар “Агаарын бохирдол"-ын талаар авч хэрэгжүүлж буй ажлын тайлан, “Тэрбум мод тарих үндэсний хөтөлбөрийн хүрээнд хэрэгжүүлж байгаа арга хэмжээ, Ойн тухай хууль болон ойг хамгаалах зохистой ашиглах, нөхөн сэргээх, үржүүлэх болон ой, хээрийн түймрээс хамгаалах арга хэмжээ"-ний хэрэгжилт,  “Хог хаягдлаас үүссэн орчны бохирдлыг бууруулах" ажлын талаар авч хэрэгжүүлж байгаа ажлын тайлан, "Уул уурхайн лиценз олголтод орон нутаг, иргэдийн оролцоог нэмэгдүүлж ашиглалтын явцад тавих хяналтыг сайжруулж хариуцлагатай уул уурхайг дэмжих бодлогын хүрээнд хийгдэж буй ажлын хэрэгжилт тайлан мэдээг ЗДТГ-ын холбогдох мэргэжилтнүүдээс тус тус танилцаж, зөвлөмж, дүгнэлтийг өглөө.