Монгол Улсын Ерөнхийлөгчийн 2024 оны 84 дүгээр зарлигаар баталсан журмын дагуу өнөөдөр аймгийн ЗДТГ-ын Хуралдааны танхимд “Төрийн захиргааны албан хаагчийн тангараг” өргөх ёслол боллоо.

Төрийн албаны хууль тогтоомжид заасан нийтлэг болон тусгай шаардлагыг хангаж, сонгон шалгаруулалтын үр дүнгээр тухайн албан тушаалд нэр дэвшин, томилогдсон төрийн захиргааны 38 албан хаагч тангараг өргөлөө.

Мөн ”Төрийн албаны өдөр”-ийг тохиолдуулан аймаг, орон нутагтаа тогтвор суурьшилтай ажиллаж, салбартаа манлайлж буй төрийн албан хаагчдыг салбарын болон аймгийн шагналаар шагнаж, урамшууллаа.

Ёслолын үйл ажиллагаанд Төв аймгийн ИТХ-ын Нарийн бичгийн дарга Ч.Жавзанпагма, ЗДТГ-ын дарга М.Отгонбат, хэлтэс агентлагийн дарга, төрийн албан хаагчид оролцлоо.