Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөний эрчимжүүлэх үе шатны хүрээнд 21 аймагт “Тэрбум мод” цэцэрлэгт хүрээлэн байгуулах ажил эхэлж байна. Уг ажлын хүрээнд Монгол Улсын Ерөнхийлөгчийн орон тооны бус зөвлөх З.Мөнхбат, "Тэрбум мод" төрийн бус байгууллагын төлөөлөгчид манай аймагт ажиллан хамтын ажиллагааны санамж бичиг байгуулж, аймгийн ИТХ-ын дарга Ш.Насандулам, аймгийн Засаг дарга Д.Пүрэв-Очир, Монгол Улсын Ерөнхийлөгчийн орон тооны бус зөвлөх, Тэрбум мод төрийн бус байгууллагын төлөөлөгчид хамтын ажиллагааны санамж бичигт гарын үсэг зурлаа.
