Төрийн болон орон нутгийн өмчийн тухай хууль тогтоомжийн хэрэгжилтийг ханган ажиллаж, орон нутгийн өмчийг цахим мэдээллийн санд хөтлөх, тооллого бүртгэлээр хяналт тавих үүргийг оновчтой зохион байгуулан ажиллаж байгаа аймгийн Орон нутгийн өмчийн газрын дарга П.Эрдэнэсайханыг Сэлэнгэ аймгийн “Хүндэт тэмдэг”-ээр шагнаж аймгийн иргэдийн Төлөөлөгчдийн Хурлын дарга Г.Бат-Орхон өнөөдөр гардууллаа.

П.Эрдэнэсайхан нь төрийн албанд тасралтгүй 23 дахь жилдээ ажиллаж байгаа бөгөөд 2013 оноос аймгийн Орон нутгийн өмчийн газрын удирдлагаар ажиллаж байгаа билээ. Түүний салбартаа тасралтгүй үр бүтээлтэй ажилласан хөдөлмөр зүтгэлийг үнэлэн аймгийн “Хүндэт тэмдэг”-ээр шагнасныг ийнхүү гардуулан өглөө.