Дэлхийн 90 гаруй оронд хүмүүнлэгийн, яаралтай тусламжийн, хөгжлийн, нөлөөллийн үйл ажиллагаагаа явуулдаг Дэлхийн Зөн Монгол олон улсын байгууллагын Төв Орон нутгийн хөтөлбөр Төв аймагт хэрэгжиж эхэлснээс хойш 20 дахь жилдээ үйл ажиллагаагаа явуулж байна.

Зөвхөн сүүлийн 4 жилийн хугацаанд “Өрхийн амьжиргаа, даван туулах чадавхийг бэхжүүлэх техникийн хөтөлбөр”, “Хүүхэд хамгаалал ба оролцоо техникийн хөтөлбөр”, “Орон нутгийн оролцоотой хүүхэд ивээн тэтгэх хөтөлбөр”-үүдийг Зуунмод, Батсүмбэр, Борнуур, Баянчандмань, Сүмбэр, Жаргалант сумдад хэрэгжүүлж, 23 мянга гаруй хүүхэд ашиг шим хүртсэн байна.

Түүнчлэн Өрхийн амьжиргаа, даван туулах чадавхийг бэхжүүлэх техникийн хөтөлбөрийн төгсөлтийн аргачлалд 330 өрх хамрагдсанаас 265 өрх тогтмол орлоготой болжээ. Мөн орон нутгийн онцлогт тохируулан нэмэлт санхүүжилтээр олон олон бүтээлч ажлуудыг хийж гүйцэтгэсэн байна.

Төв аймгийн засаг дарга Л.Төмөрчөдөр, Дэлхийн Зөн Монгол Олон улсын байгууллагын үндэсний захирал Б.Болорцэцэг нар цаашид 2024-2027 онд хамтран ажиллах “харилцан ойлголцлын санамж бичиг” үзэглэлээ.