Багийн иргэдийн Нийтийн Хурлын 9 дэх удаагийн бүрэн эрхийн Анхдугаар хуралдааныг багууд дээр 2025 оны 01 дүгээр сарын 03-06-ны өдрүүдэд зохион байгуулсан. Тус хуралдаанаар доорх асуудлуудыг хэлэлцэн шийдвэрлэсэн.
Хэлэлцсэн асуудал:
1. Багийн ИНХ-ын хуралдааны дэг батлах тухай
2. Багийн ИНХ-ын хуралдааны дарга сонгох тухай
3. Багийн ИНХ-ын зөвлөл байгуулах тухай
4. Багийн ИНХ-ын зөвлөлийн ажиллах журам батлах тухай
5. Багийн Засаг даргад нэр дэвшүүлж, уламжлах тухай
6. Бусад гэсэн асуудал
Онон багийн ИНХ-ын хуралдааны даргаар иргэдийн 50.7%-ийн саналаар Я.Батаа, Барх багийн ИНХ-ын хуралдааны даргаар иргэдийн 59.6%-ийн саналаар Д.Мөнх-Онон, Хурх багийн ИНХ-ын хуралдааны даргаар иргэдийн 100%-ийн саналаар Ц.Насанжаргал, Норовлин багийн ИНХ-ын хуралдааны даргаар 68.7%-ийн саналаар В.Мөнхзул нар тус тус сонгогдсон.Багийн ИНХ-ын зөвлөлийн гишүүдийг баг тус бүр дээр 5 хүний бүрэлдэхүүнтэйгээр байгуулж, зөвлөлийн ажиллах журмыг баталсан.• Онон багийн ИНХ-ын зөвлөлийн бүрэлдэхүүнээр Я.Батаа, М.Одончимэг, З.Сарангэрэл, Ц.Ганбаатар, багийн Засаг дарга
• Барх багийн ИНХ-ын зөвлөлийн бүрэлдэхүүнээр Д.Мөнх-Онон Ө.Одсүрэн, Д.Баярмаа, П.Оргилмаа, Багийн засаг дарга
• Хурх багийн ИНХ-ын зөвлөлийн бүрэлдэхүүнээр Ц.Насанжаргал С.Хандсүрэн, Д.Ариунцэцэг, Т.Отгонбаяр, Багийн засаг дарга
• Норовлин багийн ИНХ-ын зөвлөлийн бүрэлдэхүүнээр В.Мөнхзул, Г.Байгаль, Б.Мөнхнаран, Б.Болорцэцэг, Багийн засаг дарга
Онон багийн Засаг даргад Д.Хонгорзул, Н.Мөнхсаран нар нэр дэвшиж, иргэдийн олонхын буюу 51 хувийн саналаар Н.Мөнхсаран, Барх багийн Засаг даргад В.Чулуун, Д.Баярмаа нар нэр дэвшиж иргэдийн олонхын буюу 79.4 %-ийн саналаар В.Чулуун, Хурх багийн Засаг даргад Л.Мөнхчулуун, О.Батзориг нар нэр дэвшиж иргэдийн олонхын буюу 57.7%-ийн саналаар Л.Мөнхчулуун, Норовлин багийн Засаг даргад Б.Бадамгарав, Г.Байгаль, Ц.Одбаясах нар нэр дэвшиж иргэдийн олонхын буюу 51.8%-ийн саналаар Б.Бадамгарав нар тус тус сонгогдон, сумын Засаг даргад томилуулахаар уламжилсан.
