Өнөөдөр болсон Налайх дүүргийн Улаан Загалмайн хорооны дунд шатны хорооны чуулганы хуралдаанаар "Дүүргийн УЗХ-ны Тэргүүнийг чөлөөлж, сонгох тухай", "Дүүргийн УЗХ-ны Удирдах зөвлөлийн бүрэлдэхүүнд өөрчлөлт оруулах тухай", "УЗХ-ны үйл ажиллагааны 2024 оны тайланг хэлэлцэж үнэлэлт дүгнэлт өгөх, 2025 оны төлөвлөгөөг батлах тухай" асуудлуудыг хэлэлцэн шийдвэрлэлээ.

Уг хороог цаашид дүүргийн иргэдийн Төлөөлөгчдийн Хурлын дарга Н.Мандуул тэргүүлэн ажиллах юм. Тэрээр дунд шатны хорооны бүрэлдэхүүнд хандаж, дүүргийн хэмжээний хүмүүнлэгийн үйлсийг өргөн хүрээнд зохион байгуулж, сайн дурын идэвхтний тоог нэмэгдүүлэх, гадаад дотоодын төсөл хөтөлбөрүүдийг хэрэгжүүлэх тал дээр голлон анхаарч хамтарч ажиллахыг онцлов.