Баян-Өлгий аймгийн Иргэдийн Төлөөлөгчдийн Хурлын Нийгмийн бодлогын хөгжлийн хороо өнөөдөр аймгийн Нийгмийн даатгалын газрын үйл ажиллагаатай танилцлаа.
Хорооны бүрэлдэхүүн УИХ-аас баталсан хууль тогтоомж, аймгийн ИТХ-аас гарсан тогтоол шийдвэрийн хэрэгжилт, Нийгмийн даатгалын газраас зохион байгуулж буй ажлуудын талаар мэдээлэл сонсох, хэрэгжилтэд хяналт тавьж ажиллаа.
Нийгмийн даатгалын газрын дарга М.Армия:
• Нийгмийн даатгалын тэтгэмж, үйлчилгээнүүд,
• Шинээр батлагдсан хууль тогтоомжийг олон нийтэд хүртээмжтэй хүргэж буй байдал,
• Сайн дурын даатгуулагчдын хамрагдалт,
• Малчин болон туслах малчдын нийгмийн даатгалд хамрагдаж буй байдал зэрэг гол асуудлуудаар дэлгэрэнгүй мэдээлэл өглөө.
Хорооны гишүүд бодлого, хөтөлбөрүүдийн хэрэгжилтэд дүн шинжилгээ хийж, цаашид анхаарах асуудлуудын талаар санал солилцлоо.
