Өнөөдөр Налайх дүүрэг уламжлалт “Номын баяр”-ыг тэмдэглэн өнгөрүүлж байна. Арга хэмжээний нээлтэд дүүргийн иргэдийн Төлөөлөгчдийн Хурлын дарга Н.Мандуул, ИТХ-ын Төлөөлөгч бөгөөд дүүргийн Засаг даргын орлогч Ж.Мягмарсүрэн, “Гандан уул” нэгдлийн Тэргүүн Ж.Лхагва нар оролцож, баяр хүргэн үг хэллээ.
Баярын хүрээнд номын худалдаа зохион байгуулагдаж, уншигчид шинэ бүтээлүүдтэй танилцах, уншигчдыг соён гэгээрүүлэх, уншлагын соёлыг түгээн дэлгэрүүлэхэд чиглэсэн олон ажил өрнөж байна.
“Номын баяр” нь дүүргийн иргэдийн оюунлаг бүтээмжийг дэмжих, хүүхэд залуусын ном унших сонирхлыг нэмэгдүүлэх, нийгэмд уншлагын соёлыг төлөвшүүлэхэд чухал ач холбогдолтой арга хэмжээ юм.
Энэхүү арга хэмжээ Соёлын ордны урд талбайд 16:00 цаг хүртэл үргэлжлэх тул иргэд та бүхэн идэвхтэй оролцоорой.
