Монгол Улс анхдугаар Үндсэн хуулиа баталж, Бүгд Найрамдах Улсаа тунхагласны түүхт 101 жилийн ой өнөөдөр тохиож байна.

1924 оны 11 дүгээр сарын 26-нд батлагдсан анхдугаар Үндсэн хуулиар төрийн бүх эрх мэдлийг ард түмэнд олгож, Монгол Улсын тусгаар тогтнол, бүрэн эрхт байдлыг бататгасан түүхэн өдөр билээ.

Энэ өдрийг улс орон даяар бүх нийтээр ёслол төгөлдөр тэмдэглэх баярын өдөр болгон хуульчилж, монголчууд бид тусгаар тогтнолоо дээдлэн тэмдэглэдэг билээ.

Эх орныхоо хөгжил, тусгаар тогтнолыг бататгах үйлсэд чин сэтгэл, хүч чармайлтаа зориулж буй Монгол хүн бүрд Улс тунхагласны баярын мэнд дэвшүүлье!

ТУЛГАНЫ ГАЛ ӨНӨД БАДАРЧ

ТУСГААР ТОГТНОЛ МӨНХ ОРШИГ