XVII дугаар жарны “Сүрээр дарагч" хэмээх гал морин жилийг угтан Төв аймгийн ИТХ-ын дарга Н.Энхболд, Төв аймгийн Засаг дарга Л.Төмөрчөдөр нарын санаачилгаар “Энх мэндийн даллага – III” шашин, урлагийн айлдвар Төв аймгийн Монгол туургатан театрт боллоо.
Төв аймгийн Бүрэн сумын уугуул, Монголын бурхан шашны төв Гандантэгчинлэн хийдийн Хансүр, Монгол Улсын Соёлын гавьяат зүтгэлтэн, гавж, Хамба Номун Хан Дэмбэрэлийн Чойжамц, Богдын Их Хүрээний голын долоон хутагтын нэг Бамбар-Эрдэнэ хувилгааны 8 дугаар дүр Данзанпрэнлэйгүнчав болон Төв аймгийн Манзушир Хутагтын Дашчойнхорлин хийдийн хамба лам нар сүсэгтэн олонд ном айлдаж айлдвар өргөлөө.
Мөн Монгол туургатан театрын уран бүтээлчид уран бүтээлийн дээжсээсээ толилууллаа.
