Аймаг, сумын Орон нутгийн Хөгжлийн Сангийн Хөрөнгөөр нийтийн эзэмшлийн орон сууцны байруудын инженерийн шугам сүлжээний засвар шинэчлэлийн ажлуудыг шат дараатай хийсээр байна. Гэсэн ч Дархан сумын 8-р багийн 6,7,8, ёотон байрууд, үндсэн тосгоны бракууд мөн 15-р багийн байруудын нөхцөл сайнгүй байгаа аж. Тиймээс аймаг, сумын Засаг даргын захирамжаар байгуулагдсан өвөлжилтийн бэлтгэлийг хангах ажлын хэсгийнхэн баг бүр дээр ажиллан тодорхой ажлуудыг төлөвлөн хийж байна. Үүний хүрээнд эхний ээлжинд 8-р багийн 6,7,8-р байруудын инженерийн шугам сүлжээг хэсэгчлэн засварлах ажлыг мэргэжлийн байгууллагуудаар гүйцэтгүүлж байгаа юм. Тухайн байрны оршин суугчид өөрсдөө материалын зардал болох 1 сая 800 мянган төгрөгийг гаргасан бол Дархан Дулааны Сүлжээ ТӨХК, Ус Суваг ХК ажиллах хүчээ гарган ажиллаж байна. Нийт 4 сая гаруй төгрөгийн төсөвт өртгөөр дээрх 3 байрны шугамын засвар хийгдэж байна.