Баянхонгор аймгийн Жаргалант сумын иргэд Байдрагийн голын сав газар уул уурхайн үйл ажиллагаа эрхлэхийг эсэргүүцэн тэмцэж байна.
"Монголын алт" МАК компани Баянхонгор аймгийн Жаргалант сумын нутаг Байдраг, Мандалын голын бэлчир Тэгш хэмээх газар 1130 га талбайд ашиглалтын тусгай зөвшөөрөл эзэмшдэг бөгөөд тус газрыг Баянхонгор аймгийн ИТХ-ын тогтоолоор "Ус усны сан бүрэлдэх эхийг хамгаалах" зорилгоор Аймгийн тусгай хамгаалалтанд авснаас болж МАК компани нэхэмжлэл гарган шүүхдэж байгаа юм.
Уул уурхайн асуудал дэвшүүлсэн эрэн сурвалжлах энэхүү нэвтрүүлэгийг дээрхи маргаантай асуудал хэрхэн үүсэх болсон, нутгийн иргэд яагаад эсэргүүцэж байгааг тодруулахаар бэлтгэлээ.
