Дархан сумын ЗДТГ болон төрийн 10 байгууллага мөн төрийн бус байгууллагуудын хамтран хэрэгжүүлж байгаа гэр оронгүй тэнэмэл иргэдийг нийгэмшүүлэх "ГОТИ-3" хөтөлбөр эхлээд сар гаруй хугацаа өнгөрч байна. Энэ хугацаанд өөрийн гэсэн гэр оронгүй орц, хонгил, дулааны худагт амьдардаг 80 гаруй иргэнийг халуун хоол хөтөлбөрт хамруулах, бичиг баримтжуулах, түр ажлын байраар хангах, сургалтанд хамруулах гээд шат дараатай ажлуудыг зохион байгуулаад байна. Мөн энэ хөтөлбөрийн хүрээнд эмнэлгийн байгууллагын дүгнэлтээр архинд донтох өвчтэй нь тогтоогдсон 13 хүнийг Төв аймгийн Баян сумруу архины албадан эмчилгээнд явуулахаар болжээ.