Дархан-Уул аймгийн Нэгдсэн эмнэлгийн Амаржих тасаг нийт 47 ажилтантайгаас их эмч долоо, эх баригч 23, сувилагч 15 байгаа бол зөвлөх эмчээр Ц.Энхцэцэг, Тасгийн эрхлэгчээр С.Алтангинж, ахлах сувилагчаар нь У.Ганчимэг нар ажиллаж байна. Тус тасгийн хамт олон 2014 онд 2804 хүүхдийг эх барьж авснаас хоёр ихэр 24, гурван ихэр нэг мэндэлжээ. 

Амаржих тасаг нь хоёр жилийн өмнө их засварт орж өрөө тасалгаанууд нь шинэ тоног төхөөрөмжөөр хангагдаж үйлчлүүлэгчдийн тав тухыг хангасан орчин болж өөрчлөгдөн тасгуудын нэг юм. Эднийх Монгол Улсын гурван сая дахь иргэнийг хүлээж авах бэлтгэл ажлаа хангаад ажиллаж байна гэж тус тасгийн эрхлэгч С.Алтангинж ярилаа.