Дархан-Уул аймгийн ИТХ-ын "Нээлттэй Төлөөлөгч" клубээс санаачилан орон нутгийн хэмжээнд цас их унаж малын бэлчээр хомсдож, хүндрэлтэй болсонтой холбогдуулан малчдад туслах хөдөлгөөнийг өрнүүлсэн тухай өнөөдөр хэвлэлийн бага хурлаар дамжуулан мэдээллэв.“Тэнхлүүн явахад тэмээгээр туслахаар Тэвдэж явахад тэвнээр тусал” гэсэн ардын зүйр үгийг санаж, Малчдад туслах хөдөлгөөнд нэгдэн, байгууллага дээрээ малчдад туслах хөдөлгөөн өрнүүлэхийг төрийн болон төрийн бус байгууллага, иргэддээ хандан  аймгийн ИТХ-ын Төлөөлөгчдийн зүгээр уриаллаа.Цугларсан хандив, тусламжийг аймгийн ИТХ-ын төлөөлөгчид ажлын хэсэгт хуваагдан малчдад хүргэж өгөх ажлыг зохион байгуулах юм байна.