Дархан-Уул аймгийн Стандартчилал, хэмжилзүйн хэлтсийн даргын батлагдсан удирдамжийн дагуу тус аймгийн Дархан сумын нутаг дэвсгэрт барьцаалан зээлдүүлэх үйлчилгээ эрхэлдэг аж ахуйн нэгж, иргэдийг шалгажээ.

Шалгалтад нийт 20 гаруй байгууллага, иргэнийг хамруулж “Барьцаалан зээлдүүлэх үйлчилгээ MNS 5274:2003” стандартын хэрэгжилт ямар төвшинд байгааг үнэлж дүгнэх, цаашид авах арга хэмжээний талаар арга зүйн зөвлөгөө өгөх зорилгоор хийсэн байна. Энэ удаагийн шалгалт нь барьцаалан зээлдүүлэх үйлчилгээний стандартын хэрэгжилтийг шалгасан анханых бөгөөд ажлын хэсэг дээрх нэр бүхий барьцаалан зээлдүүлэх үйлчилгээний газруудад “Барьцаалан зээлдүүлэх үйлчилгээ MNS 5274:2003”стандартын үзүүлэлт бүрээр үнэлгээг хийхэд стандарт хэрэгжилтийн төвшин дунджаар 73 хувийн үнэлгээтэй гарчээ.

Ажлын хэсэг шалгалтын явцад илэрсэн зөрчлийг арилгуулах хугацаатай албан шаардлага гардуулж арга зүйн зөвлөгөө өгсөн байна.

Б.Норовсамбуу