Дархан сумын ИТХ-ын Ажлын албанаас Төлөөлөгчид, БИНХ-ын дарга нарын зөвлөгөөнийг сар бүр зохион байгуулж хэвшсэн. Нэгдүгээр сарын багийн иргэдийн нийтийн хурлын дарга нарын зөвлөгөөнөөр үндсэн 5 асуудлыг хэлэлцэв. Зөвлөгөөн 84 хувийн ирцтэй эхэлсэн байна. Тус зөвлөгөөний эхэнд Дархан сумын ИТХ-ын дарга Т.Тулгаа Дархан сумын ИТХ, Тэргүүлэгчид, Ажлын албаны 2014 онд хийсэн ажлын мэдээлэл, 2015 онд хийх ажлын төлөвлөгөөг танилцуулав. Түүнчлэн Багийн Иргэдийн нийтийн хурлын 2014 оны тайлан, 2015 оны төлөвлөгөө, өнгөрсөн хугацаанд зохион байгуулсан зөвлөгөөнд хэрхэн оролцсон талаарх ирцийн мэдээллийг Дархан сумын ИТХ-ын нарийн бичгийн дарга Б.Болдбаатар танилцуулж мэдээлэл өгөв. Дархан сумын ИТХ-аас 2015 онд “Нутгийн өөрөө удирдах ёсны байгууллагын чадажийг төгөлдөршүүлэх, Төр – Иргэний харилцааг  дээдэлж, хотын соёлыг төлөвшүүлэхэд, хүүхэд залуучуудын оролцоог нэмэгдүүлэх” зорилго дор үндсэн 9 зорилтыг дэвшүүлж ажиллана.