Дархан-Уул аймгийн Дархан сумын аюулгүйн нөөцөд 2013 онд бүрдүүлсэн өвсийг цас их унаж малын бэлчээр хомсдож өвөлжилт хүндэрч байгаагаас малчдад нийлүүлэхээр болов. Өнөөгийн байдлаар зах зээлд нэг боодол өвс 2500-3000 төгрөгийн үнэтэй байгаа бол нөөцийн өвсийг нэг боодлыг нь 1500 төгрөгөөр борлуулахаар болсон байна.
Уг өвсийг авах хүсэлтэй малчдын саналыг авч эхлээд гуравдугаар сарын тавнаас эхлэж багуудаар нь дамжуулж олгох аж. Дархан сум нь малын бэлчээр хомс учраас малчид нь зэргэлдээх сумдын нутагт өвөлжиж байгаа бол хотын захын гэр хорооллын мал бүхий айлууд малаа хашаандаа тэжээдэг байна.
