Шинэ цэцэрлэгийн нээлтэд УИХ-ын гишүүн С.Ганбаатар, аймгийн ЗДТГ-ын дарга Ч.Чүлтэмбат, Дархан сумын Засаг даргын орлогч Г.Батбаяр, Боловсролын газрын дарга Б.Ганчулуун нар болон албаны бусад хүмүүс оролцлоо. Нээлтээ хийж хүүхдүүдээ хүлээн авч байгаа тус зургадугаар  цэцэрлэгт Дархан сумын 7 , 8 дугаар багийн цэцэрлэгийн насны 130-аад хүүхэд сургуулийн өмнөх боловсрол эзэмших боломжтой болсон нь энэ юм. Цэцэрлэгийг барьж байгуулахад улсын төсвөөс 919 сая төгрөгийн хөрөнгө оруулалт хийсэн бол тоног төхөөрөмж, техник хэрэгсэлд Боловсрол, Соёл, Шинжлэх Ухааны Яамнаас 56,7 сая төгрөгийг гаргаж эцэг эхчүүд дөрвөн сая төгрөгийн хандив дэмжлэг үзүүлсэн байна.