Дархан-Уул аймгийн Хөл бөмбөгийн холбоо, аймгийн Хоккейн холбооноос хамтран зохион байгуулсан Спортын мастер Ч.Батцэрэн агсны нэрэмжит "Архигүй орчин-Мөсөн спорт" уриатай шайвтай хоккейн тэмцээн болж өндөрлөв.
Тэмцээнд залуучууд, өсвөр үе, ахмад үеийн тамирчдаас бүрдсэн дөрвөн багийн 50 гаруй тамирчин хоёр өдрийн турш хурд хүчээ сорин өрсөлдөж дүнгээ гаргалаа. Энэ тэмцээнд н.Дугарсүрэн ахлагчтай “Дархан хөлбөмбөг” баг түрүүлж шилжин явах цом, алтан медалийн эзэн болсон бол мөнгөн медалиар н.Батсүх ахлагчтай Сэлэнгэ аймгийн Ерөө сумын “Бугант хороо”-ны баг, хүрэл медалийн эзнээр н.Ганхүү ахлагчтай “Ёсөн Минж клуб”-ын баг шалгарав.
