Аймгийн Мэргэжлийн хяналтын газар нь 2014 оны жилийн эцсийн байдлаар нийт 527.526.000 төгрөгийн санхүүжилт авч, 511.124.600 төгрөгийг зүйл анги тус бүрээр зориулалтын дагуу зарцууллаа. Үйл ажиллагааны орлогоор 30.105.000 төгрөг оруулснаас 30.066.000 төгрөгийг сангийн яаманд төвлөрүүлсэн байна.
     Лабораторийн дотоод үйл ажиллагааг сайжруулахад нэн шаардлагатай 17 нэр төрлийн 43.580.900 төгрөгний багаж тоног төхөөрөмж, 1.832.000 төгрөгний лабораторийн шил сав, 1.156.820 төгрөгний 8 нэр төрлийн тэжээлт орчин урвалж бодис, 554200 төгрөгний шинжилгээний туслах материалыг татан авч хангалтыг хийжээ.
     Төсвийн тухай хууль шинэчлэн батлагдсантай холбогдуулан төсвийн ил тод байдлын самбарт сар бүрийн төсвийн гүйцэтгэлийг шинэчлэн байршуулж, Шилэн дансны тухай хуулийг үйл ажиллагаандаа мөрдөж ажиллаж байгаа тухай тус газрын даргын үүргийг түр орлон гүйцэтгэгч Б.Бат-Эрдэнэ ярьлаа.