Монгол Улсын Ерөнхийлөгч Ц.Элбэгдоржийн зарлигаар төрийн одон, медалиар дүүргийн зарим иргэнийг шагнасныг дүүргийн Иргэдийн Төлөөлөгчдийн Хурлын дарга Д.Бат-Эрдэнэ, дүүргийн Засаг даргын Хөдөлмөр эрхлэлт, нийгмийн хөгжлийн асуудал хариуцсан орлогч Ж.Лхагвасүрэн, Дэд бүтэц, нийтийн аж ахуйн асуудал хариуцсан орлогч Ц.Содхүү нар 3-р сарын 20-нд гардуулж өгөв.

“Цэргийн гавьяаны улаан туг”-ийн одонгоор 14-р хорооны ахмад настан, бэлтгэл офицер Ш.Дондогдорж, 17-р хорооны ахмад настан, бэлтгэл офицер Д.Раднаабазар, “Алтан гадас” одонгоор 10-р хорооны ахмад настан, С.Цэрэндолгор, 13-р хорооны иргэн Ж.Энхтуяа, 19-р хорооны ахмад настан Н.Цэрэн, 39-р цэцэрлэгийн арга зүйч С.Дашмаа, дүүргийн Өмч, газрын харилцааны албаны Өмчлөлийн мэргэжилтэн Н.Мөнгөнцэцэг, “Соёмбо” академийн зөвлөх багш Ё.Цэенхорлоо нар энгэрээ мялаав.

“Хөдөлмөрийн хүндэт медаль”-иар 10-р хорооны Засаг дарга Ч.Болормаа, 50-р сургуулийн багш Ц.Дуламсүрэн, “Голомт” банкны Касс, үнэт зүйлсийн хэлтсийн захирал Ш.Буянцэцэг нар шагнуулсан юм.