Дархан сумын долдугаар багийн нутаг дэвгэрт “Алтан сагс” компаний зүүн талд 3300 мкв, “Говь техс” компаний зүүн талд 700 мкв газруудыг авто зогсоолын зориулалтаар 13 дугаар багийн нутаг дэвгэрт ШУТИС-ийн хойд талд, мөн тус сургуулийн оюутны байрын хойд талд, 14 дүгээр баг Дархан их дэлгүүр-ийн баруун урд газар олгох юм.
Мөн тавдугаар багт “Шунхлай” шатахуун түгээх станцын хойно, 12 дугаар баг УГТЭШХ-гийн баруун урд зэрэг байршлуудад үйлчилгээний зориулалттай 400-3000 мкв газар, 12 дугаар баг “Олон улсын худалдааны төв”-ийн зүүн талд 1000-1800 мкв бүхий газрыг эзэмшүүлэх дуудлага худалдааг зохион байгуулахаар болжээ.
Аймгийн Газрын харилцаа,Барилга, хот байгуулалтын газрын дарга Ж.Мөнх-Эрдэнэ:-“Дархан сумын инженерийн шугам сүлжээ бүхий төлөвлөгдсөн байршлуудад нийтийн орон сууц, эмнэлэг, зөгийн аж ахуй, цэцэрлэг, мод үржүүлэг хүлэмж болон сургууль, аж ахуйн хашааны зориулалтаар нийт 26 байршилд төсөл сонгон шалгаруулах хэлбэрээр газар эзэмшүүлнэ. Сонгон шалгаруулалтад оролцох иргэн, аж ахуй нэгжүүдэд зарласан зориулалтын дагуу ижил төстэй ажил үйлчилгээ эрхэлдэг байх шалгуур тавигдана” гэлээ.
