2015 оны тухайн жилийн газар зохион байгуулалтын төлөвлөгөөнд
тусгагдсан газраас Аймгийн Засаг даргын 2015 оны 01 дүгээр сарын 19-ны
өдрийн А/09 дүгээр захирамжийн дагуу газар эзэмших эрхийн гэрчилгээний
дуудлага худалдааг 2015 оны 03 дугаар сарын 18-ний өдөр зохион явуулсан
байна. Дуудлага худалдаагаар нийт 12 нэгж талбар зарлагдсанаас:
- 7 нэгж талбар техникийн шаардлага хангахгүй болж дуудлага худалдаа явуулах боломжгүй болсон.
- 5 нэгж талбарт дуудлага худалдаа явуулсан байна.
№09 нэгж талбар буюу Дархан сумын 13-р баг, ТИС-ийн оюутны байрны хойд
талд, үйлчилгээний зориулалтаар 400м.кв газрыг иргэн Ж.Долгорсүрэн
16.180.000 төгрөгөөр,
№10 нэгж талбар буюу Дархан сумын 14-р баг, Дархан Их дэлгүүрийн баруун урд талд, үйлчилгээний зориулалтаар 1500м.кв газрыг иргэн Г.Эрдэнэсүх 86.000.000 төгрөгөөр,
№12 нэгж талбар буюу Дархан сумын 5-р баг, Шунхлай ШТС-ын хойд талд, үйлчилгээний зориулалтаар 900м.кв газрыг иргэн Б.Хадбаатар 52.200.000 төгрөгөөр тус тус ялагчаар тодорсон.
№11 нэгж талбар буюу Дархан сумын 12-р баг, УГТСЭШХ-ийн баруун урд талд, үйлчилгээний зориулалтаар 3000м.кв газарт нэг санал ирж, өрсөлдөгчгүй тул дуудлага худалдаа зохион байгуулагдаагүй.
№06 нэгж талбар
буюу Дархан сумын 12-р баг, ОУХТөвийн зүүн талд, албан байрны
зориулалтаар 1800м.кв газарт огт санал ирээгүй тул дуудлага худалдаа
зохион байгуулагдаагүй.
Дуудлага худалдаанд 17 оролцогч битүүмжилсэн
материал ирүүлсэн ба 5 нэгж талбарт дуудлага худалдаа явагдахаас 3 нэгж
талбарт шаардлага хангасан материал бүрдэж, дуудлага худалдаа зохион
байгуулагдаж нийт 154.380.000 төгрөгийг орон нутгийн төсөвт
төвлөрүүлэхээр болсон байна. Цаашид 2 дугаар ээлжийн дуудлага худалдааг
зохион байгуулах талаар судалгааны ажлууд хийгдэж байгаа юм байна.
