Жимс, жимсгэнэ, чимэглэлийн мод бут цэцгийн аж ахуйн талаар сургалт авах талаар иргэд Дархан сумын Багийн Иргэдийн нийтийн хурлын дарга нарт хандсан байна. Улмаар БИНХ-ын дарга нар Мөрөөдлийн цэцэрлэг төрийн бус байгууллагтай хамтран уг сургалтыг зохион байгуулав. Сургалтанд жимс, жимсгэнэ, чимэглэлийн мод бут цэцгийн аж ахуй сонирхогч 70 гаруй иргэд оролцлоо. Оросын сибирьт алим жимсний мод тариалж ирсэн туршлага сэдвээр “Тохойский питомник ” мод үржүүлгийн газрын захирал Данзанова В.В мэдээлэл хийв. Түүнчлэн Монгол оронд жимс, жимсгэний ургамалын тариалалтын өнөөгийн байдал, тариалах технологи, Нэг ба олон наст цэцгийн сортууд,тариалах технологи, Жимс, жимсгэний модны арчилгаа зэрэг олон сэдвээр илтгэл, мэдээлэл хийв.